• Қазақстан

Тоқаев Вице-Президент лауазымына Ерлан Қаринды ұсынды: Құрылтай депутаттары қолдады

• 31 тамыз 2026, 15:22
• 25

Қасым-Жомарт Тоқаев вице-президент лауазымына Ерлан Қаринды ұсынды деп хабарлайды irbistv.kz. stan.kz сілтеме жасап.

Мемлекет басшысы Құрылтай отырысында вице-президент лауазымына Ерлан Қаринды ұсынды.

"Ол көп жылдар бойы мемлекеттік басқару саласында жұмыс істеді. Оны кең көзқарасты, мол тәжірибесі бар және нағыз патриот деп айтуға болады. Ол ауқымды реформаларды сапалы жүзеге асыруға белсенді қатысты. Ол мемлекеттің стратегиялық бағыты мен даму жоспарын жақсы түсінеді. Сондықтан мен Ерлан Тынымбайұлы Қаринды осы лауазымға лайық деп санаймын", – деді Тоқаев.

Ол Құрылтайдан бұл кандидатураны қолдауды сұрады. 145 депутаттың 141-і бұл кандидатураны қолдады. 4 депутат дауыс беруден қалыс қалған.

Фото: Ақорда