Сарапшылар өткен жылмен салыстырғанда Павлодарда жалдық пәтердің құны оның орташа есеппен 18 процентке артқанын жеткізді. Сонымен қатар жалдау бағасы да шарықтап кеткен. Қала орталығындағы бір бөлмелі пәтерді жалдасаңыз 60 мың теңгеден аса төлейсіз. Оған коммуналдық қызмет ақысын қосыңыз. Ал егер ішінде жиһаз болса, одан да қымбатқа шығары сөзсіз. Павлодар қаласындағы ең қымбат пәтерлер жаңа салынғандары болып табылады. Ал екінші Павлодарда арзанырақ. Мұнда бір бөлмеліні жиһазсыз 40 мың теңгеге табуға болады. Бұған коммуналдық қызметтер үшін төленетін сома қосылады.

Коммуналшылар бағаналарды қою жұмыстары 90 пайызға аяқталғанын мәлімдеді. Минин 40 және 42-үйлердің ауласында кешкі уақытта енді жарық болады. 17 бағана бір жарым ай бұрын қойылған. Бүгінде мердігерлік ұйым жарықдиодты шамдарды қосуға кірісті.

Қалалық тұрғын үй инспекциясының мамандары жылу жетіспеушілігіне байланысты шағымдардың азайғанын алға тартты. Қаламызда жалпы 1266 көпқабатты бар. Оларға жылу қыркүйек айының соңында берілді. Тұрғын үй инспекциясында параметрлер нормаға сай беріліп жатқандығы туралы айтты. Кейбір өтініштер бойынша олқылық пәтердің өзінде болған. Күнделікті адамдардан келетін өтініштерге екі жұмыс тобы тексеріске шығады. Мамандар температура өлшеп, акт толтырады.

Мәшһүр Жүсіп көшесінің Естайдан Кривенкоға дейінгі аралығында кезекті коммуналдық апат орын алды. Басты себеп – желілердің тозуы. Түнде мұнда қоршаулар орнатылып, белгілер пайда болды. Себебі жолдың бойына жер астынан су шыға бастады.

Ауыл шаруашылығы ведомствасында биыл аймағымызда мемлекеттік бағдарламаларды жүзеге асыру арқылы өнімділікті арттыруды жоспарлауда. Алқаптарды суару сөз болуда. Инженерлік инфрақұрылым, су бұрғыштар мен электр тарту желілері бюджет есебінен. Жайылымдарға дейінгі ішкі тармақ шаруашылық басшыларының міндеті.

Павлодарлық кәсіпкерлер біздің облыстағы ПТР тест бағасы өзге өңірлермен салыстырғанда қымбат дейді. Нәтижесінде олар шығынға батуда. Себебі тауарды басқа аймақтарға жеткізу үшін әрдайым тест тапсыруға тура келеді. Павлодарлық баспахана иесі Марина Рожкова анализ бар жоғы 72 сағат жарамды, оған қоса бағасы мың құбылады дейді.