«Компания Нефтехим LTD» ЖШС 15 жыл толды
Бұл жоғары сапалы химиялық өнім шығаратын қазақстандық өндіруші. Осы жылдар бойы Қазақстанның үздік кәсіпорыны, «Алтын сапа», «Сапа көшбасшысы» секілді түрлі марапаттарға ие болған зауыт мерейтойын кең ауқымда атап өтті.
«Компания Нефтехим LTD» ЖШС өз өнімін Қазақстанның ішкі нарығына және экспортқа шығарады. Негізі түйіршіктелген полипропилен мен МТБЭ шығарудан жұмысын бастаған компания қазіргі таңда басқа да жаңа өнімдерін шығаруда. Жоғары көрсеткіштерімен және сапалы өнімдерімен танымал өндіріс орны үнемі жетілдірілуде.
- 15 жылда көптеген жетістікке қол жеткіздік. Компания штаты 350 боола қазір мыңнан асады. Көптеген жаңа өндіріс іске қосылды. Қаптар, биг-бэгтар өндіре бастадық. Өткен жылы эпоксиді компануд өндірісі іске қосылды. Жылына 10 мың тонна шығарылады. Компания бір орында тұрған жоқ. Үнемі кеңейіп, дамуда. Біздің алға қойған ауқымды жоспарларымыз жетерлік,-деді «Компания Нефтехим LTD» ЖШС атқарушы директоры Ляззат Идрисова.
Бүгін зауыттың негізгі өзегі болып табылатын, және ол қаланғалы жұмыс істеп келе жатқан қызметкерлер марапатталды. «Компания Нефтехим LTD» ЖШС-нде қызметкерлерді дайындау, қайта дайындау және біліктілігін арттыруға ерекше мән береді.
- Біз жас мамандарды өзімізге тарту үшін білім орындарымен меморандум жасастық. Жоспар көп. Біз алдағы уақытта Қазақстанда жоқ өніммен нарыққа шыққалы отырмыз. Және осы жылдар бойы бізбен бірге қуанышты да, қиындықты да көріп келе жатқан әріптестерімен алғысымды білдіремін,-деді «Компания Нефтехим LTD» ЖШС атқарушы директоры Ляззат Идрисова.
«Компания Нефтехим LTD» ЖШС 2009 жылы түйіршіктелген полипропилен мен МТБЭ шығаратын Қазақстандағы жалғыз өндіріс орны болған. Компания шамамен 70 пайыз өнімдерін жақын шетелдерге экспортқа шығарады. Мұның өзі олардың өз ісінің озаты екенін білдіреді.
