Машинажасаушылар күніне орай «ERG Service» ЖШС-нің үздік қызметкерлері марапатқа ие болды
Мерекелік шараға аймағымыздың шебер жүргізушілері және шығармашылық топтары қатысты дейді irbistv.kz тілшісі.
Машинажасаушылар күніне орай бас мерекелік концерт әдемі бимен басталды. Залда «ERG Service» ЖШС-нің басшылығы, өндіріс қызметкерлері және өз ісінің басқа да шеберлері жиналды.
- Біздің Павлодарлық машинажасау зауыты өндіретін өніммен мақтана алады. Оны біздің басты тапсырыс беруші Еуразиялық топқа дайындаймыз. Өндіріс орындарын модернизациялаудың арқасында өндіретін өнімнің саны да артуда. Қазір жаңа, жас кадрларды Торайғыров университетінде дайындаудамыз,-деді «ERG Service» ЖШС бас директоры Сергей Перепечин.
Кәсіпорын басшылығы машинажасаушы-зауытшылардың ерең еңбегі үшін алғыс білдірді. Мерекелік шара аясында үздік қызметкерлер марапатқа ие болды. Олардың ішінде «Мамандығы бойыншы үздік» атағы Осташкин Александрға табысталды. Ол кәсіпорында 8 жыл қызмет етуде.
- Кәсіпорында жұмыс істеу маған ұнайды. Бұрын зауыттың қасынан өткенде үнемі мұнда жұмыс істеймін деп армандаған едім. Дәнекерлеуші мамандығын иегеріп алып, қазір арманым орындалды. Компания жыл сайын дамып келеді. Әріптестер, басшылық үнемі қолдау көрсетеді,-деді «ERG Service» ПМЗ газбен кесушісі Александр Осташкин.
Жұмыс барысында көзге түскендерге алғыс хаттар, төсбелгілер және құрмет грамоталары табысталды. «ERG Service» Павлодар машинажасау зауытының басшысы кәсіпорын одан әрі дамитынын тілге тиек етті.
- Әлем бір орында тұрған жоқ. Сол себепті бізге дағдылану қажет. Біз кәсіби мерекені үнемі өндіріс саласында тынбай еңбек етіп жүргендер үшін ұйымдастырамыз. Бүгін олар лайықты марапатқа ие болуда. Қызметкерлерді мақтан тұтамыз,-деді «ERG Service» ПМЗ басшысы Евгений Ивченко.
Мерекелік шара кезінде талантты Павлодарлық артистердің өнері қызметкерлер үшін сыйлық болғандай. Сахнада айтылған әрбір ән мен тілек машинажасаушыларға арналды.
