Павлодар облысында интернет алаяқтығы артқан
Жыл басынан бері Павлодар облысында 1 158 алаяқтық дерегі тіркелген. Көбісі иентернет арқылы жасалған. Полиция азаматтарды қырағы болуға шақырады деп хабарлайдыirbistv.kz.
- 2025 жылдың басынан бері 1 158 алаяқтық дерегі тіркелді, оның 996-сы интернет арқылы жасалған, - деп хабарлайды Павлодар облысы полиция департаментінде.
Алаяқтар түрлі әдіс қолданады. Басты мақсат – алдап, арбау арқылы ақша алу. Полицейлер
- Банктер мен ұялы операторлардан келген СМС-кодтарды ешкімге хабарламауға;
- Өзіңіздің банк есепшоттарыңыз бен карта нөмірлері туралы мәліметтерді бермеуге;
- Өз картаңызды басқа адамдарға бермеуге және бөтен адамдардан ақша аударымдарын алмауға;
- Сауда жасамас бұрын интернет-дүкендердің рейтингісі мен олар туралы пікірлерді тексеруге шақырады.
Есте сақтаңыз: банк және полиция қызметкерлері телефон арқылы ақша аударуды және жеке ақпаратты беруге болмайды.
Сонымен қатар:
- Бөтен адамдарға есік ашпауға;
- Бөтен адамдарға ақша бермеуге және айырбастамауға;
- Сауда өкілдерімін деп таныстырған адамдардан тауар мен дәрі сатып алмауға шақырады.
Фото: Freepik.com
