21 қарашада теледидар мен радио жұмыс істемейді
Елдің барлық аумағында телерадиоарналарды ретрансляциялау уақытша тоқтатылады, деп хабарлайды irbistv.kz тілшісі «Қазтелерадио» АҚ сілтеме жасап.
Телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізілуде. Кезекті жұмыстар туралы «Қазтелерадио» АҚ ресим сайтында жария етті.
-2024 жылдың 21 қараша айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады.Уақытша қолайсыздықтар үшін кешірім өтінеміз!,-делінген хабарламада.
Фото: Freepik.com
