Алпауытқа жылу жетіспеушілігі бойынша 2 млн теңгеден астам айыппұл салынды
«Павлодарэнергосбыт» бұзушылық үшін 2 млн 222 мың теңге айыппұл төледі. Бұл заң қарастырған соманың 50 проценті. Жеңілдік жасалған себебі қызмет беруші жазбаша өкіммен келісіп, ақшаны жеті күн ішінде төледі.
-Егер тұрғындар жылу жетіспеушілігін анықтаса, бірден ПИК-ке жүгіну керек, олар өз кезегінде «Жылу желілері» өкілдерін шақырту қажет. Кейін температуралық кесте тексеріледі. Яғни үйге кіргенде қандай температура болуы керектігі анықталады. Егер сәйкессіздік болса, бірден акт жасалады. Сол кезден бастап тұрғындарға қайта есептеу жасалады, - дейді ҚР ҰЭМ табиғи монополияларды реттеу комитеті Павлодар облыстық департаменті басшысының орынбасары Мирас Зеріпбаев.
Департаментте алпауыт жылу жетіспеушілігі бойынша тұтынушыларға қайтаруы тиіс сома әлі саналып жатқанын айтты. Ол анықталған кезде қайта есептеу сомасын түбіртекке жазады.
