Аялдамаларды ретке келтіру үшін 12 миллион теңге бөлінді
Бүгін коммуналшылар оларды ретке келтіру жұмыстарына кірісті. Жуу шарасынан бөлек, орындықтардың ағаштары ауыстырылып, сырлануда. Қаламыздағы аялдамалардың басым бөлігі металдан жасалғанымен, қазір көшелердегі павильондарды шыны және пластикке ауыстыруда.
-
Аялдама павильондарын жуу жұмыстары өткен аптада басталған болатын. Қазіргі таңда Толстой, Шөкин, Катаев, Байзақов, Мәшһүр Жүсіп, Назарбаев көшелеріндегі аялдамалар қалпына келтірілді. Бұл бағыттағы жұмыстар жалғасуда,- дейді Павлодар қаласы әкімі баспасөз қызметінің басшысы Салтанат Әкімбекова.
Айта кетсек, бүгін Павлодардағы 454 аялдама павильоны коммуналшылардың теңгерімінде. Ағымдағы жылы оларды ретке келтіріп, күтуіне қалалық бюджеттен 12 миллион теңге бөлінді.
Авторы:Айтмұхамбет Айғожа
