Ақсу мен Екібастұз қалаларында полиция басқармасы басшылары тағайындалды
Павлодар облысындағы моноқалалардағы полиция басқармаларындағы кадрлық ауыс-түйстер орын алды деп хабарлайды irbistv.kz тілшісі полиция департаментіне сілтеме жасап.
Ақсу мен Екібастұз қалаларындағы басқарма басшылары лауазымдарына облыс аумағында жұмыс тәжірибесіне ие мамандар тағайындалды. Бүгін Павлодар облысы ПД бастығының бұйрығымен қос жетекшілер ресми түрде таныстырылды.
-Ақсу қаласы полиция бөлімінің бастығы лауазымына полиция подполковнигі Нуриман Гафиуллаұлы Валеев тағайындалды. Бұған дейін Павлодар қаласы ПБ Оңтүстік полиция бөлімінің бастығы қызметін атқарған. Ал Екібастұз қаласы полиция басқармасының бастығы болып полиция подполковнигі Төлеген Айдарханұлы Құдайбергенов тағайындалды. Бұған дейін Павлодар облысы ПД Екібастұз қаласы полиция басқармасы бастығының бірінші орынбасары қызметін атқарған,-делінген облыстық ПД хабарламасында.
Фото: Облыстық ПД
