Коммуналдық қызметтер 15 сәуірге дейін қала көшелеріндегі құдықтарды қалпына келтіруі тиіс
Бүгінде олар көліктердің жүру қауіпсіздігіне кедергі келтіреді. Көлік иелері жол деңгейінен жоғары немесе опырылған құдықтардың қақпағын айналып әлек.
-Коммуналдық кәсіпорындарға 15 сәуірге дейін құдықтар бойынша барлық олқылықтарды жоюға уақыт берілді. Ретке келтірмеген жағдайда әкімшілік жазаға тартылады. Айыппұл соммасы 10-нан 40 АЕК аралығында,- дейді Павлодар қаласы тұрғын үй инспекциясы және коммуналдық шаруашылық бөлімінің бас маманы Нариман Оспанов.
Қаламызда жалпы 1500-ге жуық құдық бар. Олардың басым бөлігі алпауыттың иелігінде. Алайда, рейдтік шара кезінде мамандар жеке тұлғаға тиесілі жылу камераларын да анықтаған. Бүгінде олардың иесін іздестіруде.
Авторы:Айтмұхамбет Айғожа
