Көлік доңғалақтарын желтоқсанның 1-не дейін ауыстырмағандарға айыппұл салынады
Көлік доңғалақтарын ауыстыру орындарында ұзын сонар кезек. Алғашқы қар мен көктайғақ жүргізушілерді әбігерге салған сыңайлы. Бұл ретте тәртіп сақшылары оны қашанға дейін айырбастау керектігін еске салды.
- Бүгін көбісі әлі жазғы доңғалақтармен жүр. Біз көлік жүргізушілеріне 1 желтоқсанға дейін қысқы доңғалақ салуға кеңес береміз. Одан кейін біз 509-бап бойынша әкімшілік шара қолданамыз, - дейді Павлодар қаласы полиция басқармасының басшысы Данияр Бек.
Желтоқсанның 1-нен бастап доңғалағын қысқыға ауыстырмағандарға еш ескертусіз 5 айлық есептік көрсеткіш айыппұл салынады. Бұл шамамен 15 мың теңге.
Авторы: Бибінұр Хамитқызы
