Мәшһүр Жүсіп мешіті «Мектепке жол» акциясын қолға алды
Жақсы үрдіске айналған «Мектепке жол акциясы» биыл да жалғасын тапты. Жомарт жүректілер көмегін мешіттің зекет қорына аманаттай алады. Тіпті оқуға қажетті құрал-жабдықтарды әкелуге болады.
- Әрине біздер бас аяғына дейін бәрін реттеп береміз деп айта алмаймыз, бірақ, құдай қаласа оқуына, былай айтқанда бір сөмкесі болсын, қалам, дәптері болсын сол жақтарын біздер қарастырамыз. Қазір құдай қаласа, оны біздер бәрі дұрыс болатын болса тамыздың аяқ жағында таратамыз ба, деген ниетіміз бар, - дейді ҚМДБ Павлодар облыстық филиалының басшысы, Мәшһүр Жүсіп мешітінің бас имамы Жолдас Қоспақұлы.
Қайырымдылық акциясы тамыздың соңына дейін болмақ. Кейін оқу маусымы басталмай үлестіріледі. Шара аудан ауылдық жерлерде де өтпек. Қажетті құралдар тізім бойынша жөнелтіледі. Бұл ретте, сіз де мұқтаж балақайлардың өз қатарластарымен мектепке баруына өз септігіңізді тигізе аласыз.
Авторы: Бекбол Мырзахан
