Нәзік жан
Ол кәсіпорынның барлық маңызды нысандарының схемаларын, қосалқы станцияларын және басқа да қоректендіру элементтерін бақылайды. Бұл ретте, нәзік жанды әріптестерімен бірге ең күрделі процестің үзіліссіз өтуі үшін барынша көп күш жұмсайды. Білікті маман 8 жыл көлемінде Павлодар алюминий зауытына адал қызмет етуде.
-
Осы Алюминий Қазақстан зауытына келіп 2013 жылы электромонтер болып орналастым. Содан 8 жыл бойы осы салада жұмыс атқарамын. Менің осы электр энергетик саласын таңдағаным өзіме ұнады. Өйткені, өте қызықты деп ойлаймын, сондықтан осы мамандықты таңдадым. Және де осы мамандық бойынша әрі қарай жұмыс істеуге ниетім болды, - дейді Павлодар алюминий зауытының ЭЭЦ №4 учаскесінің тарату желілеріне жедел қызмет көрсету жөніндегі электромонтері Шынар Тұртұлова.
-
Ол өз жұмысын тиянақты жасайды. Барлығын сауатты орындап ақау болған жағдайда дер кезінде баяндайды және тиісінше реттейді. Шынар секілді нәзік жандылар ұжымның жауһарлары десек артық айтпаймыз,- дейді «Қазақстан алюминийі» АҚ» энергия-электр цехы №4 учаскесінің шебері Евгений Сучков.
Шынар ұжымда өте сыйлы, әріптестерімен тез тіл табыса алатын қасиеті бар. Бос уақытында кітап оқып, салауатты өмір салтын ұстанғанды жөн санайтынын жасырмады. Кей мамандар кейіпкерімізден кәсіби кеңестен бөлек, ішкі жан дүниесіне қатысты толғандырған сауалдарын қояды екен.
-
Жұмыстан тыс кезде мен көбіне далада серуендегенді жақсы көремін, кітап оқып әр түрлі өзін-өзі тану жайында кітаптарды оқығанды жақсы көремін. Спортпен шұғылданғанды жақсы көремін, - дейді Павлодар алюминий зауытының ЭЭЦ №4 учаскесінің тарату желілеріне жедел қызмет көрсету жөніндегі электромонтері Шынар Тұртұлова.
Шынар бұл кәсіпті ерлерге тән деп есептемейді. Өз ісінен тек мықтылықты ғана емес, әсемдікті де көре біледі.
Авторы:Артем Буланов
