Отан алдындағы борышын өтеген сарбаздар жанұяларымен қауышты
Сапаржайға жиналған адамдар жүйіткіген әр пойызға қарайлап әлек. Бірінің перзенті, бірінің аға-інісі ел алдындағы борышын абыроймен өтеуге аттанған еді.
- Кіші ұлды өз қолыммен апардым. Өзім барып сөйлестім военкоматта кісілермен, қалай болады екен, неше түрліні естиміз ғой. Командирлері бәрі өте жақсы. Адамгершіліктері жақсы. Енді айтатыным еркек баланың дұрыс әскерге барғаны, - деді күтіп алушылардың бірі.
Аман-есен оралған жауынгерлер туғандарымен, дос-жарандарымен қауышты. Бұл жолы ұлттық гвардия сапында жерінің тыныштығын күзеткен 22 сарбаз қалаға келіп жетті.