Оңтүстіктен көшіп келгендерге берілген үй салқын
Ленин кентінде көп жылдар бойы иесіз тұрған үйді жөндеп, сәуір айында қоныс аударушыларға пәтер кілттері табысталды. Оңтүстіктен келген білікті мамандар аймағымыздың суығына қарамастан, үйлері қыста жылы болатынына сенген. Бүгінде қазандық іске қосылды. Алайда, батареялар дұрыс жылынбауда.
- Үй суық түнде киім шешпейміз балалар да киім шешпейді сол. От жоқ жылу жоқ. Свет бірде бар бірде жоқ. Терезелердің барлығы ашық. Ол жерден суық келеді. Дұрыс емес негізі үйлер, - дейді Космонавтов көшесіндегі №22-үйдің тұрғыны Жаңылсын Алмас.
Көктемде қолданысқа берілген 3 кіреберісті үйде жалпы 60 пәтер бар. Қазір 29-ын қоныс аударушылар паналауда. Көпқабаттыда күрделі жөндеу жүргізген мамандар жылу мәселесі бар екенін жасырмады. Оны жаңа қазандықтың жуырда іске қосылуымен байланыстырды.
- Ленин кентіндегі 5 қабатты үйге тиесілі қазандық осы дүйсенбі, яғни қыркүйектің 27-сі іске қосылды. Қазір жұмыс істеп тұр. Алғашқы рет жағылғанға байланысты мәселе пайда болды. 1-ші және 2-ші кіреберіс жақсы жылынса, 3-шісінде тіреушесі қызса да. Пәтерлерге жылу берілмеуде, - дейді «Горкомхоз модернизация жилья» ЖШС басшысының м.а. Мұқан Айзат.
Жауапты мамандар іске қосу және жөндеу жұмыстары бақылауда екенін жеткізді. Жылу мәселесі алдағы демалыс күндері шешіледі деп сендірді.
