Павлодар облысында коронавирус жұқтырған сәби жансақтау бөліміне түсті
Ковид жұқтырғандардың саны соңғы күндері азаюда. Бүгін статистика 116 пациентпен толықты. Басым бөлігі белгілермен. Денсаулық сақтау басқармасында бақылауда 90 бала, оның 28-і стационарда, біреуі тіпті бір жасқа да келмегенін айтты. Ол жансақтау бөлімінде.
- Анасынан жұқтырған, екінші күн жатыр, оң өзгеріс бар. Қосымша патологиялар жоқ. Баланың тыныс алуында қиындықтар бар, сондықтан реанимацияда жатыр. Бәрі жақсы болады деген сенімдемін, - деді Павлодар облысы денсаулық сақтау басқармасының басшысы Айдар Ситқазинов.
Денсаулық сақтау басқармасында қайтыс болғандардың статистикасын да мәлімдеді. 2021 жылдың 4 айында Павлодар облысында 72 өлім тіркелген. Қазіргі таңда 33 адам жансақтау бөлімінде, оның 12-і ауыр жағдайда. Олар жасанды желдету аппаратына қосылды.
