Павлодар облысында мас күйдегі ұлы анасымен жанжалдасты
Облыстағы ауыл тұрғыны ұлының мас күйдегі ұрыс шығаруы жайлы шағымданған деп хабарлайды irbistv.kz тілшісі.
Алкоголь ішіп, мас болған ер адам анасын балағатап, жанжалдасқан.
- Ер азаматтың бұл әрекеті сотта қаралды, онда алкогольді, есірткіні және психотроптық заттарды қолдануға тыйым салынып, оның мінез-құлқына ерекше талаптар қойылды. Сондай-ақ, сот психологиялық көмек көрсету шарасын белгіледі, - деп хабарлады Павлодар облысы ПД.
Айту керек, ағымдағы жылы полицияға тұрмыстық зорлық-зомбылық туралы 50 өтініш түсті. Қарау қорытындысы бойынша 72 қорғау ұйғарымы шығарылды, ал 15 құқық бұзушыға қатысты ерекше талаптар белгіленді.
Фото: Freepik.com
