Павлодарда 152-ші шағын маршруттың орнына 52-ші автобус қатынайды
Бұл туралы қалалық әкімдік мәлім етті. Белгілі болғандай бұрынғысына жауапты ұйым алақол деп танылып келісімшарт жойылған. Бұл ретте, қоғамдық көліктің нөмірінен бөлек бағыты да өзгерген.
Бүгін қала бойынша 152-ші маршруттың орнына 52-ші автобус бағытқа шықты. Қазіргі таңда олардың саны - 8. Шенділер бұрынғы қожайынымен келісімшартты үзгендігін мәлімдеді. Осы ретте, шаһар басшысы әлеуметтік желісінде жаңа автобустардың қатынайтын жолын жариялады. Әзірге, жүру аралығы 15-17 минутты құрайды.
- Автобус Қамзин көшесімен сауда орталығына кірмейді. Маршруттың қозғалыс сызбасы Қайырбаев көшесінен Лермонтов көшесіне және Бектұров көшесінен Сәтбаев көшесіне көшіріледі. Сонымен қатар, Радио зауыт шағын ауданына қарай Метро аялдамасына кірмей №1 автожол бойынша жүзеге асырылады,-деді Павлодар қаласы ТҮКШ бөлімінің бас маманы Ұлан Дінтаев.
Айта кетейін, әкімдік мамандары қоғамдық көлік тарифінің өзгеріссіз қалғанын мәлім етті.
