Павлодарда ағаштарды санитарлық кесуден өткізуге қанша қаржы бөлінді?
Биыл бұл шара әдеттегі мерзімнен ерте басталып, қаладағы жасыл желектердің бұтақтарын шабумен 3 мердігерлік ұйым айналысуда.Жасыл желектерді санитарлық кесу жұмыстарына биіктігі 18-24 метр мұнарасы бар арнайы техникамен 15 бригада, оның үшеуі тұрақты түрде аулаларда шоғырланған. Барлық жұмыстар экологтар мен дендрологтардың ғылыми сүйемелдеуімен жүргізіледі.
-
Біз Назарбаев-Толстой қиылысынан Лесозауыт ауданына дейінгі аралыққа жауаптымыз. Биыл жұмыстарға ерте кірістік. Қазірдің өзінде ағаштардың бұтақтарын кесу бойынша үлкен көлем атқарылды. 3 негізгі көшедегі жасыл желектер санитарлық тазалықтан өтті,- дейді мердігерлік ұйым өкілі Ринат Дүйсенов.
Айта кетсек, өткен жылмен салыстырғанда ағаштарды санитарлық кесуге арналған қаражат үш есе өскен. Сомма 150 миллион теңгені құрайды. Қазір қала үш аймаққа бөлініп, олардың әрбіреуіне жауапты мердігерлер анықталды. Ағымдағы жылы 30 мыңға жуық ағашты санитарлық тазалау жоспарлануда. Жұмыстар 1-ші желтоқсанға дейін жалғасады.
Авторы:Айтмұхамбет Айғожа
