Павлодарда полицейлер тәртіптің сақталуын камералар арқылы бақылайды.
Қызметкерлер заңға қайшы әрекет етсе бірден көреді. Ол 24 сағат бойы жазылады. Сонымен қатар биыл қала көшелерінде де полиция қолжетімді бола түскен.
- Қоғамдық орындарда шұғыл шақыруға болатын SOS құрылғысы орнатылған. Мұндай 9 құрылғы Павлодар және Екібастұз, Ақсу қалалары сонымен қатар Железин, Шарбақты, Тереңкөл аудандарында орнатылған. Нәтижесінде қоғамдық орындарда орын алатын қылмыстар 17,9%, көшелердегі қылмыс 2,51% азайған, - дейді Павлодар облысы Полиция департаменті басшысының бірінші орынбасары Жасқайрат Қайыров.
Тәртіп сақшылары әлеуметтік желілер арқылы да халықтан шағымдар қабылдай бастады. Нәтижесінде биыл қылмыс айтарлықтай азайып отыр. Адам өлтіру бойынша 27%, қарақшылық 31%, денеге ауыр жарақат салу 40% төмендеген. Бүгін полицияға көмек көрсеткен қоғамшылдар мен журналистерді де грамотамен атап өтті. Олардың қатарында “Ирбис» телекомпаниясының тілшілері Артем Клеван және Артем Буланов бар. Екеуі де «Погонды журналист» жобасында жеңімпаз атанды.
