Павлодарда Химқалашық ауданында коммуналдық апат орын алды
Апат таңғы уақытта орын алды. Бұл кадрларды түсірген қала тұрғындары бастапқыда қар еріп жатыр деп ойлаған. Жер астынан шыққан су Айманов көшесіндегі №26-шы үйден жағажай аялдамасына дейін аққан. Белгілі болғандай, апат диаметрі 300 мм құрайтын құбырда орын алды.
- Бүгін таңғы сағат 8:30-да апаттық бригаданың пультіне Айманов көшесіндегі №26-үйдің қасында коммуналдық апат орын алғаны туралы хабарлама келді. Су жер астынан шыға бастаған. Оқиға орнына бірден апаттық бригада жіберіліп, олқылық пайда болған жер анықталды, - деді «Павлодар Водоканал» ЖШС бас инженері Дмитрий Башкиров.
Қазіргі уақытта, инженерлік желілерге қызмет ететін ұйымдармен келісім жүргізілуде. Кейін алпауыт қызметкерлері апат салдарын жоюға кіріседі. Мамандардың ақпараты бойынша бірде-бір көпқабатты судан ажыратылмады.
Авторы: Айтмұхамбет Айғожа