Павлодарда әжесін өлімші етіп ұрған немересін 9 жылға абақтыға қамады
38 жастағы ер адам елордадан 2020 жылдың күзінде егде жастағы туысқанын қарау үшін көшіп келген. Көршілердің жауабы бойынша пәтерде үнемі айғай-шу болған. Тергеу нұсқасы бойынша өткен жылдың сәуір айында айыпталушы зейнеткердің еденде жатқанын көріп, оны жұдырықпен соққылай бастаған. Кейін жедел жәрдем шақырған, алайда жапа шегуші дәрігерлер келгенше көз жұмды. Немересі кінәсін мойындамады, әжем үнемі өзі құлап қалатын деп түсіндірген. Алайда сарапшылар марқұмның денесінен аяқпен қол соққыларының іздерін анықтаған. Үкім әлі заңды күшіне енген жоқ.
