Павлодардағы кесілген бұталарды уақытында әкетпеген мердігерге ескерту жасалды
Балабақша қызметкерлері ағаш құлағанда қасында балалар болмағанын айтуда. Санитарлық тазалық барысында орындалған жұмыстар адамдардың көңілінен шықпауда.
- Бұл біздің балақайларымыз үшін қауіпті. Себебі олар түскі уақытта серуендеуге шығады. Мұндай үлкен ағашты кесіп, ол біздің қоршауға құлады. Оның алдындағы бұтақтарды екі аптадан аса ешкім әкетпеуде, - дейді балабақша қызметкері.
Мәселеге журналистер араласқаннан кейін бұтақ қалдықтарын алып кетті. Сондай-ақ, мердігерге ескерту жасалды.
- Қазіргі уақытта, Мәшһүр Жүсіп, 8 мекенжайындағы бұтақтарды мердігер жүк көлікпен алып кетті. Кесіліп, тұрып қалған ағаштар үшін мердігерге ескерту жасалды, - дейді Павлодар қаласы әкімі баспасөз қызметінің басшысы Салтанат Әкімбекова.
Айта кетсек, биыл ағаштардың санитарлық тазалығына 60 миллион теңге бөлінді. Қалада бұл жұмыстармен 3 мердігерлік ұйым айналысуда.
Авторы: Айтмұхамбет Айғожа
