Павлодардағы орталық көшелердің жөндеуі жалғасуда
Астана көшесін абаттандыру жұмыстары басталды. Бүгінде Толстойдан Маяковский аралығында жиектастар демонтаждалып, жаңа жолдың өлшемдерін келтіру жұмыстары жасалуда. Астана көшесін Ломовтан Торайғыровқа дейінгі аралығын күрделі жөндеуге 650 миллион теңге бөлінді. Ал басқа мердігер демалыс күндері Сәтпаев көшесіндегі жер телімін жаңартып үлгерді.
- Бүгінде біз Сәтпаев көшесін Кривенкодан – Естайға дейінгі аралығында асфальт жабынын жаңарттық. Алдағы күндері Академик Сәтпаев Қайырбаевтан Торайғыровқа дейінгі аралығында жұмыстар жүргізіледі, - дейді Павлодар қаласы ТҮКШ бөлімінің бас маманы Арсен Жұмабеков.
Торайғыровқа жеткеннен кейін аталмыш көше бойымен Баян Батырдағы айналымға дейінгі аралықтағы жолды жаңартады. Көлік иелерінің ыңғайлығы үшін коммуналшылар ендік орналасқан көшелерді кезең-кезеңмен жабуға тырысады. Тапсыру мерзімі қыркүйек айына жоспарланған.
Авторы: Айтмұхамбет Айғожа.
