Павлодардағы саябақтарды жөндеуге қалалық бюжеттен 11 миллион теңге жұмсалмақ
Бақтардың ағымдағы жөндеуіне 17 миллион теңге қарастырылған. Мердігер анықталып, 11 миллионға келісімшарт жасады. 15 адамнан 2 бригада еңбек етуде.
- Бүгіннен бастап осы саябақты бастап жатыр. Негізгі жұмыстары бұлардың орындықтарды бояу, қоқыс жәшіктерін бояу, орындықтардың сынған жерлерін жөндеп, шіріген ағаштарын ауыстырып, кеспетастардың ойылып қалған жерлерін түзеу, - дейді Павлодар қаласы ТҮКШ бөлімінің бас маманы Сабыр Оразбаев.
Бұдан соң мердігерлер жөндеу жұмыстарын жағалауда және Назарбаев даңғылында орналасқан жаяу жүргіншілер жолында жалғастырып, мүсінтастарды да қалпына келтіреді. Мамандардың айтуынша жөндеуді 2 айда аяқтау жоспарланған.
