Павлодардың жеке секторынан 60 мың тонна қар шығарған
Мамандардың айтуынша, ол кезде құбылмалы ауа райы, желдің күшеюі және жауын-шашын күтілуде. Осыған байланысты коммуналшылар күшейтілген тәптіпте қар шығару жұмыстарына кірісті. Ақ ұлпа ерігенге дейін үлгеруге тырысады
-
Апта басында түнгі температура 15-20 градус аяз болса, апта соңында келетін циклонға сәйкес, түнде минус 2-ден плюс 3 градус жылы болады. Күндізгі температура да жылиды,- «Казгидромет» РМК павлодарлық филиалының метеоболжау бөлімінің басшысы Оксана Овсянникова.
Жексенбі күні +5 градус күтілуде. Ал наурыз айында орташа температура нормадан 2 градусқа жылы болмақ. Осыған байланысты коммуналшылар қар шығару бойынша күшейтілген жұмыс тәртібіне көшті. Жеке сектор үйлері басты назарда.
-
Коммуналдық қызметтер жеке секторды қардан тазарту жұмыстарын жүргізуде. Бүгінгі таңда Дачный, МДС, Затон, Усолка, Горторг, екінші Павлодар Жібек жолы көшесінен Минин көшесіне дейін шағын ауданының көшелері қардан тазартылды,- Павлодар қаласы әкімі баспасөз қызметінің бас маманы Жансерік Қапзолл.
Қаңтар айында Павлодардың жеке секторынан 60 мың тонна қар шығарған. Күнделікті арнайы техниканың 130 бірлігі және 200 жұмысшы көшелерді тазалаумен айналысуда.
Авторы: Айтмұхамбет Айғожа
