Павлодарлық халықаралық ғылыми жобалар байқауының жүлдегері атанды
Бұл Маджида Алпамыстың соленоидты қозғалтқышы. Жоба авторы сыртқы фактордың көмегінсіз қуат көзін өндіруге болады дейді. Ең бастысы қоршаған ортаға еш зияны жоқ.
- Жобамның құрлысы иінді біліктен және екі контактіден, катушкадан және шатуннан тұрады. Менің қозғалтқышым өз бетімен жұмыс жасай алады. Оған мұнай, жанармай қажет емес. Ол ілермелі қозғалыс жасағанда, алдыға-артқа қозғалғанда электр энергиясы пайда болады, - деді Маджида Алпамыс.
Өнертабыс әзірге тек 12 вольттық қуат береді. Алда қуат көлемін арттыру көзделмек. Автор бұл қозғалтқыштың бұрын ойлап табылғанын айтты. Дегенмен, болашақ физигіміз 1 жыл көлемінде зерттеулер жүргізіп толықтырулар енгізген.
- Бірінші рет оны Джозеф Генри атты америкалық ғалым ойлап тапты. Оның ойынша осы қозғалтқышты өмірге енгізсек атмосферамыз тазаланады, зияны болмайды. Осылай менің қозғалтқышымды күнделікті өмірге енгізуге болады, - дейді жас ғалым.
Бүгін 11-ші халықаралық байқаудың жүлдегері тағы бір мәрте қошеметке бөленді. Зияткерімізге Кенжекөл әкімдігі бағалы сыйлықтарын табыс етті.
