Павлодарлықтар трамвай рельстеріне шағымдануда
Қауіпті өткел көп уақыт бойы тізгінде отыратын тұрғындарымыздың ашуын келтіруде. Сабырлық танытуға сәл қалды. Жақында ол жер толықтай жөндеуден өтеді.
-«Трамвай басқармасы» жөндеу жұмыстарын мамырдың 20-сы бастайды. Алдын ала болжам бойынша бір айға жуық уақытты алады. Тек бір бағыттағы рельстер ғана емес, қиылыстағы өткел толықтай ауыстырылып, жаңаша төселеді. Өзге көшелердегі қиылыстардағыдай жермен тегіс өткел қойылады,- дейді Павлодар қаласы ТҮКШ бөлімі басшысы Арслан Қалияқпаров.
Сонымен қатар Ломов көшесінде жол бөлігі Қамзин бағытынан бастап Сатбаевқа дейінгі аралықта толық жаңартылады. Трамвай рельстерін жаңартумен тұспа-тұс келмейтіндей жұмыс кестесі бекітілген. Сол себепті жақын арада қаланың орталығындағы бұл бөлігін темір тұлпарлар иелері айналып жүруі абзал.
Авторы:Дархан Бекишев
