Шомылу маусымында Павлодардағы жағажайларда бейнебақылау орнатылады
Павлодар қаласында екі ресми жағажай, біреуі орталық, екіншісі Усолка мөлтекауданында. Олардағы дайындық сәуірде басталған. Өзен түбі тазартылып, қоқыс пен ағаш қалдықтарын жинастырған.
- Биыл 3 көлеңке шатырға көбейеді. Күнқағарлардың да саны артпақ. Олар 30-дан аса орнатылады. Қосымша150 шақты шезлонг әкелеміз. Сонымен бірге су ішетін фонтандардың саны артады,-деді Павлодар қаласы ТҮКШ бөлімі басшысының орынбасары Арман Құсайынов.
Биылғы жаңалық жағажайда балаларға арналған 50 метрлік тегін шағын бассейннің құрылысы жүргізілуде. Орталық жағажайда 10, ал Усолкада 3-4 құтқарушыларға арналған мұнара болады. ТЖД қазір жазда жұмыс істейтін құтқарушыларды оқытуда.
-Биыл алғаш рет 14 бейнебақылау камерасы орнатылады. Бұл вандалдардың жағажай элементтерін бұзуының алдын алуға сонымен бірге бірінші кезекте адамдардың суға батып кетуі секілді қайғылы оқиғалардың алдын алуға бағытталады,-деп жеткізді Павлодар қаласы ТҮКШ бөлімі басшысының орынбасары Арман Құсайынов.
Шомылу маусымы шамамен маусымның 10-нан кейін ашылады деп жоспарлануда. Биыл павлодарлық жағажайлардыға қызмет көрсету мен абаттандыруға 155 миллион теңге бөлінген.