Қалалық фонтандардың күтіміне 10 миллион теңге бөлінді
Қазір жауапты коммуналдық ұйым оларды дайындауға кірісіп кетті. Мәрмәр тастарын алмастарып, су атқыш құралдарын жөндеумен айланысуда. Әкімдікте хабарлағандай, қыс мезгілінде олардың құрал-жабдықтарынің тозуы байқалады. Сондай-ақ, мәрмәр тастары вандалдардан жиі зардап шегеді екен.
-
Павлодар қаласында 24 фонтан бар. Олардың 20-сы «Коммунсервистің» теңгерімінде болса, 3 су бұрқақ жекеменшікте. Тағы бір фонтан кепілдік мерзімі аясында мердігерлік ұйым еншісінде. Бүгінгі таңда қаладағы барлық су бұрқақтарды маусымға дайындауда. Тостағандары жуылып, қажетті құрал-жабдықтар ауыстырылды,- дейді Павлодар қаласы әкімі баспасөз қызметінің басшысы Салтанат Әкімбекова.
Қалалық фонтандардың күтіміне биыл 10 миллион теңге бөлінді. Су бұрқақтар қазан айының соңына дейін жұмыс істейді. Айту керек, биыл тағы бір жаңа нысанның құрылысы жоспарланған. Гагарин саябағында құрғақ фонтан пайда болады.
Авторы:Айтмұхамбет Айғожа
