Қаламызда саяжайларға дейінгі қоғамдық көлік келесі аптадан қатынай бастайды
Айтуларынша, қазір температура жер жұмыстарын бастауға өте қолайлы. Тек қоғамдық көліктің іске қосылуын күтіп отыр.Әзірге, қозғалыс бағдары бастапқыда тек демалыс күндері қолжетімді болмақ. Кейін автобус пен трамвайлар жүйелі түрде бағбаншылықтарға дейін барады.
-Ағымдағы жылы автобустардың саяжайларға дейінгі маусымдық тасымалдау қозғалысы 16-шы 17-ші сәуірден басталады. Ал тұрақты негізде 23-ші сәуірден қатынайтын болады. Трамвайлар ағымдағы жылдың 16-шы сәуірден бастап тұрақты жүре бастайды. Ауа райының жағдайына байланысты саяжай маусымының ашылу уақыты өзгертілуі мүмкін. Ондай болған жағдайда тұрғындарға қосымша хабарланатын болады,- дейді Павлодар қаласы әкімі баспасөз қызметінің бас маманы Жансерік Қапзолла.
Айту керек, саяжайларға дейін 19 автобус және бағбаншылықтарға дейінгі трамвайлар жүретін болады. Келесі аптаның демалысы, яғни сәуірдің 23-інен бастап қоғамдық көлік тұрақты түрде таңғы сағат 07:00-ден кешкі сағат 20:00-ге дейін жүреді.
Авторы:Айтмұхамбет Айғожа
