Өткен жылмен салыстырғанда Павлодар облысындағы адам саны азайған
Азаматтық хал актілері жазбаларындағы мәліметтері бойынша, жарты жыл ішінде туғандар саны 5729 адамды құрады, бұл өткен жылғы қаңтар-маусымға қарағанда 2,1% көп. Аталмыш кезеңде қайтыс болғандар саны 4411 адамды құрады, бұл 2020 жылғы қаңтар-маусымға қарағанда 20,7% көбейді 3.
Көші-қон мәліметтеріне жүгінсек, жарты жылда тұрғылықты тұруға келгендердің тіркелу саны өткен жылғыдан 11,5% көбейіп, 3025 адам құрады. Облысқа сыртқы көші-қон бойынша 224 адам көшіп келді, соның ішінде ТМД елдерінен – 197 адам. Қазақстанның басқа өңірлерінен 2801 адам бізге көшіп келді. 2021 жылғы қаңтар-маусым аралығында облыстан шетелге 1528 адам, соның ішінде ТМД елдеріне 1229 адам, әлемнің басқа елдеріне 299 адам қоныс аударды. Қазақстанның басқа өңірлеріне 3730 адам көшіп кеткен екен.
