Баянауылда таудан түсе алмаған демалушылар құтқарылды
Қуанышқа орай, құтқарушылар жастарға таудан түсуге көмектесті дейді irbistv.kz тілшісі.
Демалушыларды арнайы жабдықтардың көмегімен биіктіктен түсіруге тура келді.
-1997 жылы туылған жігіт пен 2000 жылы туылған қыз бала тауға көтерілді, күн батқаннан кейін олар өздігінен түсе алмады. Оқиға орнына дереу 5 құтқарушы жіберілді. 700 метр биіктіктен альпинистік жабдықтың көмегімен демалушылар төменге түсірілді. Оларға медициналық көмек қажет болмады, -дейді облыстық ТЖД баспасөз қызметі.
Сонымен қатар, құтқарушылар "Ақбет" тауына көтеріліп, өздігінен түсе алмаған 50-жастағы ер адамға да көмектесті. Оған медициналық көмек қажет емес болды.
Фото: Облыстық ТЖД
