Кемеңгер ауылы маңында қараусыз жүрген сиыр иесіне айыппұл салынды
"Павлодар - Шарбақты" автожолында бақылаусыз жүрген қара малға тәртіп сақшылар тап болып, тез арада иесі анықталған дейді irbistv.kz тілшісі.
Кемеңгер ауылының маңында 20 сиыр иесіз жайылып жүрген.
- Жануарларды жаю ережелерін бұзғаны үшін иесі әкімшілік жауапкершілікке тартылып, 3 АЕК мөлшерінде айыппұл салынды, - деді Павлодар ауданының жергілікті полиция қызметінің бастығы Данат Смағұлов.
Айта кетейік, ағымдағы жылдың басынан бастап Павлодар ауданында ауыл шаруашылығы жануарларын жаю ережелерін бұзғаны үшін 162 мал иесі жауапқа тартылды.
Фото: Облыстық ПД