Кенжекөлде шетел азаматтары заңсыз құрылыс жүргізген
Көші-қон полициясының қызметкерлері Кенжекөл ауылдық округінің аумағында шетелдік азаматтардың еңбек қызметін заңсыз жүзеге асыру фактісін анықтады дейді irbistv.kz тілшісі.
Өзбекстанның алты азаматы екі қабатты ғимарат салумен айналысқан.
-Шетел азаматтарында рұқсат құжаттары ресімделмеген. Өзбекстандықтарға қатысты әкімшілік материалдар толтырылып, сотқа қарауға жіберілді. Сондай - ақ, жұмыс берушіге айыппұл түрінде жаза қолданылды,-деп хабарлады Павлодар облысы ПД көші-қон қызметі бастығының міндетін атқарушы Азамат Елеутаев.
Айта кетейік, биыл заңсыз еңбек қызметінің 307 фактісі жойылды. 105 жұмыс беруші әкімшілік жауапкершілікке тартылды.
Фото: Облыстық ПД