Павлодарда қарсы бағытқа шығып кеткен жүргізуші куәлігінен айырылуы мүмкін
Павлодарда Lada автокөлігінің жүргізушісі көлік ағынын қарсы бағытпен озып өтуді ұйғарған. Қауіпті маневр полицейлердің назарына ілікті. Енді тәртіп бұзушы өз әрекеті үшін сотта жауап береді, деп хабарлайды irbistv.kz.
Оқиға Академик Сәтбаев көшесінде болған. Жүргізуші тұтас сызықты кесіп өтіп, бетпе-бет соқтығысудың шынайы қаупін тудырды.
– Тәртіп бұзушыға қатысты әкімшілік материал жинақталып, сотқа жіберілді. Мұндай маневр үшін заңда көзделген жаза өте қатаң — көлік құралын басқару құқығынан айыру, – деп хабарлады Павлодар облысының ПД.
