Полицейлер сәуір айында жоғалған павлодарлықты тапты
Полицияға 30 жастағы павлодарлықтың анасы хабарласқан. Әйел адам сәуір айында ұлының үйден шығып кеткенін, содан бері хабар-ошарсыз кетіп, байланысқа шықпағанын айтқан, деп хабарлайды irbistv.kz.
Іздестіру шаралары барысында полицейлер жоғалған азаматтың Қарағанды облысы, Саран қаласының далалық аумағында жүргенін анықтады.
– Анықталғандай, ер адам нәпақа табуға кетіп, телефонын жоғалтып алған, ал жаңасын сатып алуға қаражаты болмаған. Жас жігітке қатысты ешқандай қылмыс немесе құқық бұзушылық жасалмаған, – деп хабарлады Павлодар облысының ПД.
