Академиялық есу спортшылары бұл маусымда жаттығуларын тоқтатқан жоқ
Өзге тәртіптемелердің спортшыларынан гөрі ескекшілер өз қалпында. Суда күнделікті жаттығады. Жағдай жақсы болса, күн суытқанға дейін дайындала алады.
- Бізге +5,+6 деген температура жеткілікті. Жел болмаса болды. Мысалы, Ыстықкөлге барғанда қар жатса да жаттыға береміз. Барлық жағдайға дайын болуымыз керек, - деді Павлодар құрамасының аға жаттықтырушысы.
Залға ауысумен қиындық тууы мүмкін. Спорт кешенінде жаттығуға қашан рұқсат берілетіні белгісіз. Биылғы маусымда барлық додалар өтпеді.
- Осы маусымда үлкен қайықтарда жұмыс жасай алмадық. Командалық еңбек өте маңызды. Қайықтағы төрт адам бір механизмдей болуы керек. Биыл жылдамдыққа жұмыс жасалған жоқ, - дейді Ольга Афанасьева.
Карантин кезінде академиялық есу бөлімшесінде барлық топтарда толық құрамдарды сақтап қала алды. Сонымен қатар, бапкерлер жаттығуларға жаңа өрендерді тартуда.
