Париж-2024: Қазақстан боксшыларының қарсыластары белгілі болды
Париж олимпиадасында бақ сынайтын боксшыларымыздың алғашқы айналымдағы қарсыластары анықталды. Кейбіреулері алғашқы айналымда-ақ мықтылармен жұдырықтасады дейді irbistv.kz тілшісі stan.kz порталына сілтеме жасап.
Назарларыңызға қазақстандық боксшылардың бірінші кезеңдегі қарсыластарын ұсынамыз:
Ерлер:
51 келі. 1/8 финал Сәкен Бибосынов – Самет Кумуш (Түркия)
57 келі. 1/8 финал Махмұд Сабырхан – Хосе Кильес (Испания)
63,5 келі.1/16 финал Мұхамедсабыр Базарбайұлы – Ойер Ибаррече Конде (Испания)
71 келі. 1/16 финал. Асланбек Шымбергенов – Зияд Ишиаш (Иордания)
80 келі. 1/8 финал Нұрбек Оралбай – Каллум Петерс (Австралия)
92 келі. 1/8 финал Айбек Оралбай - Олайтан Адам Олаор (Нигерия)
+92 келі. 1/8 финал. Қамшыбек Қоңқабаев - Гадфа Дрисси (Испания)
Павлодарлық маман Марат Қырықбаев жаттықтыратын Қазақстан әйелдер құрамасының қарсыластары келесідей:
50 келі. 1/16 финал. Назым Қызайбай - Джиордана Соррентино (Италия)
57 келі. 1/8 финал Карина Ибрагимова - Лозада Мотта Ашлейан (Пуэрто-Рико)
75 келі. 1/8 финал. Валентина Хальзова - Атейна Билон (Панама)
Айта кетейік, былғары қолғап шеберлерінің алғашқы жекпе-жектері 27 шілде басталады. Жарыстың алғашқы күнінде Мұхаммедсабыр Базарбайұлы испаниялық боксшымен жұдырық түйістіреді.
Ұлттық Олимпиада Комитетінің президенті Геннадий Головкин Олимпиада қалашығында Қазақстан бокс құрамасымен кездесіп, қолдау білдірді.
Фото: Қазақстан бокс федерациясы